ҚҰРЫЛТАЙ ДЕПУТАТТАРЫН САЙЛАУ – ҚОҒАМДЫҚ ҮДЕРІСКЕ ЖАУАПКЕРШІЛІКПЕН ҚАРАУ
Құрылтай депутаттарын сайлау – елдің қоғамдық-саяси өміріндегі маңызды кезеңдердің бірі. Сайлау науқаны азаматтардың қоғамдық мәселелерге назар аударып, өз құқықтары мен мүмкіндіктерін түсінуіне жол ашады.
Мұндай маңызды кезеңде әр ақпаратқа байыппен қарап, ресми мәліметтерге сүйену және заң талаптарын сақтау маңызды. Сайлау мәдениеті – тек дауыс беру тәртібін білу емес, сонымен бірге өзгенің пікіріне құрметпен қарау мен қоғамдық жауапкершілікті сезінуден көрінеді.
Қоғамда әртүрлі көзқарастың болуы – табиғи құбылыс. Маңыздысы – пікір алуандығын өзара сыйластықпен қабылдап, қоғамдық тұрақтылық пен келісімді сақтай білу.
Құрылтай депутаттарын сайлау – азаматтардың ел өміріндегі маңызды үдеріске қатысып, өз ұстанымын білдіруіне мүмкіндік беретін кезең. Қоғамдық белсенділік пен жауапкершілік қатар жүргенде ғана тұрақты даму үшін берік негіз қалыптасады.
Ел өміріндегі маңызды үдерістерге бейжай қарамау – азаматтық жауапкершіліктің бір көрінісі.
